म

 

सानोमा 'म राम्रो म' पढ्दै…

म राम्रो बन्न हिडेको - म ।

बुद्धि कम, इमान बढी भएको - म ।

मस्तिष्क भन्दा मनले सोचेर धेरै पटक बेकुफ बनेको - म ।

नोट बोल्ने वैश्य युगमा इमानको तौल धेरै मान्ने - म ।

अरुलाई मलहम लगाउदा लगाउदै …

आफ्नै घाउ भुलेको - म ।

यस्तै कमजोरीमा आफन्त साथीभाइहरूले फाइदा उठाउदा…

घाटामा पनि मुस्कुराउने - म ।

'म राम्रो म' बन्न हिडेको एक्लो - म !

     

   सिक्ने सिकाउने अभियानको सिकारु - म ।

छोराछोरीको बुबा बन्न सिक्दै गरेको - म ।

जीवन सङ्गिनी गीत भए मधुर संगीत - म ।

आमाबुबाको सारा संसार - म ।

अन्त्यमा ऎना हेर्नुस् मुस्कुराउनु होस् 😍

तपाईंलाई कस्तो लाग्छु - म ?

🖋️नारायण के सी पोख्रेल

२०८२/०४/०१ बिहीबार

थुम्पाकी रोल्पा